ЭХЭМҮТ-д “Эх хүүхдийн сувилахуйн тусламж үйлчилгээний чанар, аюулгүй байдлыг сайжруулъя” сэдэвт эрдэм шинжилгээний хурал боллоо.
- 16 April 2014
- Published on Лхагва, 16 April 2014 10:15
Олон улсын сувилагч, эх баригч нарын өдрийг тохиолдуулан сувилагч, эмнэлгийн тусгай мэргэжилтний эрдэм шинжилгээ судалгааны ажлын талаарх мэдлэгийг сайжруулах, судалгааны арга барилд сургах, бүтээлийг мэргэжил нэгт нөхдөд нь таниулах зорилгоорэрдэм шинжилгээний хурлыг ЭХЭМҮТ-ийн Ерөнхий захиралын 122 тоот тушаалын дагуу Эрдэм шинжилгээний салбартай хамтран “Эх хүүхдийн сувилахуйн тусламж үйлчилгээний чанар, аюулгүй байдлыг сайжруулъя” сэдвийн доор 2 үе шаттай зохион байгуулан явууллаа.
Эрдэм шинжилгээний хурлыг нээж ЭШ,ГХ,СС эрхэлсэн дэд захирал М.Баялаг үг хэлэв.
Шүүгчээр:
- Комиссын дарга Ө.Оюунчимэг /Удам зүйн лабораторийн тасгийн эрхлэгч, АУ-ны доктор/,
- Гишүүдэд: С.Наранчимэг /ЭМШУИС-ийн багш, ЭХЭМҮТ-ийн Сувилахуйн зөвлөх багш, Сувилахуйн боловсролын доктор, профессор/
- М.Оюун /УБИС-ийн багш, АУ-ны доктор, дэд профессор/ нар ажилласан.
Хуралд нийт 116 сувилагч, эмнэлгийн тусгай мэргэжилтэн хамрагдан оролцов. Нэгдүгээр шатанд 25 илтгэл, 2-р шатанд эмнэлэг тус бүрээс 4 илтгэл нийт 8 илтгэлийг хэлэлцүүлэн удирдамжийн дагуу эхний 3 байрыг эзлүүллээ. Үүнд:
1.ХЗП. техникч Б.Долгормаа
Уушигны рентген зургийн шинжилгээ ба зургаар батлагдсан хатгалгаа
2.БДШЭСТ. сувилагч Д.Оюунчимэг
Гемодиализ эмчилгээнд орж байгаа үйлчлүүлэгчийн артерийн даралтанд нөлөөлөх зарим хучин зүйл
3.ХЭ. ЕМЗТ. сувилагч Н.Уранбилэг
Парапроктиттай өвчтний хагалгааны дараах сувилгаанд үнэлгээ өгөх нь