3-р сарын 3 - Төрөлхийн хөгжлийн гажигтай тэмцэх дэлхийн өдөр
- 03 March 2015
- Published on Мягмар, 03 March 2015 14:26
Дэлхий дээр жил бүр 8 сая орчим хүүхэд хүнд хэлбэрийн төрөлхийн хөгжлийн гажигтай төрдөг. Эдгээр төрөлхийн хөгжлийн гажгийн (33 хүүхэд тутмын 1 нь) 50%нь төрөх үедээ, төрсний дараа оношилогддог бол үлдсэн 50% нь амьдралын эхний 1 жилийн дотор оношилогддог байна.
Олон оронд нялхас, бага насны хүүхдийн эндэгдлийн тэргүүлэх шалтгаанд төрөлхийн хөгжлийн гажиг ордог. Төрөлхийн хөгжлийн гажигтай хүүхдүүд амьдарсан тохиолдолд хөгжлийн бэрхшээлтэй болох өндөр эрсдэлтэй байдаг байна.
Монгол улсад 2014 оны 1-р сарын 1-нээс эхлэн ЭХЭМҮТ-ийн Тандалт судалгааны албанд улсын хэмжээнд төрөлхийн хөгжлийн гажгийг бүртгэж эхэлсэн ба уг мэдээллээс үзэхэд, манай оронд 1000 амьд төрөлт тутамд 8 нь төрөлхийн хөгжлийн гажигтай төрж байна.
Өнөөдөр 3-р сарын 3. Энэ өдрийг “Төрөлхийн хөгжлийн гажигтай тэмцэх дэлхийн өдөр” болгон дэлхийд анх удаа тэмдэглэж байна. Энэ үйл ажиллагааны хүрээнд олон улсын 12 байгууллага хамтран уриалга, сурталчилгааг гаргасан бөгөөд хүмүүсийг төрөлхийн хөгжлийн гажигтай тэмцэхэд дуу хоолойгоо нэгтгэхийг уриалсан байна. Энэхүү үйл ажиллагаа нь дэлхий даяар төрөлхийн хөгжлийн гажгийн урьдчилан сэргийлэлт, тусламж үйлчилгээ, судалгааг өргөжүүлэх зорилготой юм. Та бүхэн нэгдэхийг хүсвэл дараах хаяг http://bit.ly/1CttnNK даран, өөрсдийн facebook, twitter хаягаар нэгдэж мэдээлэл авах боломжтой юм.
Тандалт судалгааны алба