Эх, хүүхдийн эрүүл мэндийн үндэсний төвд Тайваний үндэсний их сургуулийн эмнэлгийн Хүүхдийн чих хамар хоолойн тасгийн эрхлэгч ажиллаа.
- 04 August 2015
- Published on Мягмар, 04 August 2015 14:11
Эх, хүүхдийн эрүүл мэндийн үндэсний төв, Тайваний үндэсний их сургуулийн эмнэлэг хооронд байгуулсан хамтран ажиллах санамж бичгийн хүрээнд Тайваний үндэсний их сургуулийн эмнэлгийн Хүүхдийн чих, хамар хоолойн тасгийн эрхлэгч, Азийн хүүхдийн чих, хамар хоолойн нийгэмлэгийн ерөнхийлөгч, Дэд профессор Wei ChungHsu 2015.07.23-31-ний хооронд Эх, хүүхдийн эрүүл мэндийн үндэсний төвийн Чих хамар хоолойн мэс заслын тасагт ажиллаа.
Ажиллах хугацаандаа 30 хүүхдэд үзлэг оношилгоо эмчилгээ хийж, 4 хүүхдэд төвөнхийн дурангийн мэс засал, 1 хүүхдэд хамрын дурангийн мэс засал хийлээ. Мөн 2015 оны 7 дугаар сарын 28-ны өдөр “Хүүхдийн төвөнхийн зарим эмгэгийн орчин үеийн эмчилгээ” сэдвээр сургалт явуулсан ба тус сургалтанд Чих хамар хоолой мэс заслын тасаг, Хүүхдийн сэхээн амьдруулах тасгийн эмч болон хүүхдийн резидент эмч нарын нийт 80 хүн оролцлоо.