“Эмнэлгийн лабораторийн итгэмжлэлийн шаардлага MNS ISO 15189:2015” сургалт зохион байгуулагдлаа.
- 22 September 2017
- Published on Баасан, 22 September 2017 10:29
ЭХЭМҮТ-ийн Нэгдсэн лабораторийн тасаг нь лабораторийн итгэмжлэл MNS ISO 15189:2015-д хамрагдах зорилгын хүрээнд Стандарт хэмжилзүйн газрын мэргэжилтнүүдтэй хамтран 2017 оны 9-р сарын 21, 22-ны өдрүүдэд “Эмнэлгийн лабораторийн итгэмжлэлийн шаардлага MNS ISO 15189:2015” сэдэвт ажлын байран дахь сертификаттай сургалтыг амжилттай зохион байгууллаа. Сургалтанд ЭХЭМҮТ-ийн нэгдсэн лабораторийн тасаг, UB нэгдсэн лаборатори, ХӨСҮТ-ийн бактериологийн лаборатори, Гранд мед, Улаанбаатар мед лабораторийн эмч, лаборант нарын 21 хүний бүрэлдэхүүнтэй оролцов.
Сургалтыг “Тохирлын үнэлгээний байгууллагын итгэмжлэл, үйл явц, ач холбогдол, олон улсын хамтын ажиллагаа” сэдвээр СХЗГ-ын итгэмжлэлийн газрын дарга С.Ганцэцэг эхлүүлсэн бөгөөд сургалтанд: 1. эмнэлгийн лабораторийн удирдлага зохион байгуулалт, техникийн чадавхийг MNS ISO 15189:2015 Олон улсын стандартын шаардлагад нийцүүлэх, арга зүйн зөвлөмж, заавруудыг өгөх; 2. лабораторийн чанарын удирдлагын дотоод аудит, удирдлагын дүн шинжилгээ хийх талаарх дасгал, баримт бичиг боловсруулж багаар ажиллуулах агуулгын хүрээнд хийгдлээ.