“Өсвөр үеийнхэнд тулгамдсан эрүүл мэндийн асуудлууд, ээлтэй тусламж үйлчилгээ” сэдэвт сургалтыг зохион байгууллаа.

usvurue20181

Төрөөс эрүүл мэндийн талаар баримтлах бодлого, “Эх, хүүхэд, нөхөн үржихүйн эрүүл мэнд” үндэсний хөтөлбөрт тусгагдсан  өсвөр үеийнхэн, залуучуудын эрүүл мэндийн байдлыг сайжруулах зорилго, зорилтын хүрээнд “Өсвөр үеийнхэнд тулгамдсан эрүүл мэндийн асуудлууд, ээлтэй тусламж үйлчилгээ”  сэдэвт сургалтыг нийслэлийн ерөнхий боловсролын дунд сургуулийн 97 эмч нарыг хамруулан зохион байгууллаа.

Сургалтыг нээж ЭХЭМҮТ-ийн ерөнхий захирал, АУ-ны доктор, клиникийн профессор Ш.Энхтөр танилцуулга хийлээ. Сургалтанд Өсвөр үеийн клиникийн эмч М.Мөнххишиг, Бөөрний мэс заслын тасгийн эмч Ө.Оюунбилэг, сэтгэл зүйч Э.Дэжид, эрүүл мэндийн нийгмийн ажилтан Н.Эрдэнэчимэг нар танилцуулга хийж, ярилцлага зохион байгуулав. Хүүхдийн эмнэлгийн халдвар судлаач Б.Амарзаяа “Гарын ариун цэвэр” сэдвээр мэдээлэл өгч, гар угаах, ариутгах дарааллыг гардан хийж үзүүлэв.

Өсвөр үеийнхний эрүүл мэндийн боловсролыг сайжруулах, эрүүл зан үйл, төлөвшүүлэх, өвчнөөс урьдчилан сэргийлэх, тэдэнд хэрэгцээт эрүүл мэндийн тусламж үйлчилгээний талаарх мэдээллийг хүргэх, тусламж үйлчилгээнд цаг тухайд нь хамруулахад ерөнхий боловсролын дунд сургуулийн эмч нарын оролцоо чухал үүрэгтэй. 

Энэхүү сургалтад хамрагдсанаар ерөнхий боловсролын дунд сургуулийн эмч нар өсвөр үеийнхний өсөлт хөгжлийн онцлог, тэдэнд тулгамдаж буй эрүүл мэндийн асуудлууд болон эрүүл мэндийн ээлтэй үйлчилгээ үзүүлэх, зөвлөгөө өгөх арга барил, өсвөр үеийнхэнд эрүүл мэндийн тусламж үйлчилгээ үзүүлдэг Өсвөр үеийн клиникүүд, сэтгэл зүй, нийгмийн ажлын тусламж үйлчилгээний талаар мэдээлэл авч, нэгдсэн ойлголттой боллоо. 

usvurue20182

usvurue20183

usvurue20184

Зайн сургалт

e-learning

Тандалт судалгааны алба

11225695 1041830305846417 282075933 n

Telemedicine

telemedicine

Фото

Бусад

Инфографик

E-mail

Orbis

ORBIS logo.svg

Бидэнтэй Харилцах

  • Хаяг: ЭХЭМҮТ - Хувьсгалчдын гудамж, Баянгол дүүрэг,
    16060 Улаанбаатар, Монгол улс
  • Утас: 362205 Захиргаа: 27011
  • Факс: + (976)-11-362633
  • Лавлагаа, дотуур холбоотой холбогдох утас: 362676